Vetëm pak muaj e ndajnë nga lindja e dy binjakëve të saj. Fjalën e kemi për deputeten e Partisë Demokratike, Jorida Tabakun e cila është shtatzënë.
Edhe në këto muaj shtatzënie e shohim shumë aktive në jetën politike të vendit. Madje ajo nuk ka munguar as në daljet e saj publike edhe nga çadra ku demoktatët po protestojnë që prej 18 shkurtit.
Ajo që kemi vënë re është nuri që i ka rënë deputetes në këto muaj që është në pritjen e saj të ëmbël. E qeshur, plot mirësi përcjell deputetja në fotot e shkrepura në çaste të ndryshme.
Kuriozitetin e kureshtarëve dhe miqve të saj virtualë, Jorida e ka shuar sot duke ndarë një foto me bashkëshortin e saj Sajmirin, ku mbajnë në duar pupat e vogla të dy bebeve, që pritet të vijnë në jetë këtë verë. Jorida Tabaku do të përjetojë mëmësinë për herë të parë dhe pritet të bëhet nënë e dy vajzave.
Duhet të sjellin në vëmendje që bashkëshorti i Tabakut nuk ka shumë dëshirë të dal në foto. Madje Tabaku shprehet se edhe në këtë foto ka mundur të dalë burri i saj pas shumë negociatash dhe diskutimesh. (J.V/Shuplaka)
Discussion about this post