”E përgjegjshme, E përkushtuar, Familjare. Silva për Kavajën”, sapo ka shkruar Megi Katroshi një nga të rejat e përfolura për kandidate për kryebashkiake të Kavajës. Një vlerësim për Silvana Dajën.
Silvana Daja me shumë gjasa po shkon drejt zyrtarizimit të kandidaturës së saj mes socialistësh për kandidate për kryebashkiake. Pas shkarkimit të Elvis Rroshit për shkak të dekriminalizimit, duket se bashkëshortja e ish-kreut të PS-së në Kavajë Gentian Daja është më e preferuar mes socialistëve.
Në Kavajë baza socialiste kishte propozuar Elton Derjaj, ish zv.drejtor i Doganës Tiranë, në garën për Bashkinë e Kavajës pas shkarkimit të Rroshit por PS e Kavajës e mban të fshehur emrin e tij, thanë ditë më parë burime të “Shuplakës”.
Derjaj është figura politike që klani i Rroshit kërkon ta eklipsojë, sepse ai bashkon të gjithë të pakënaqurit e Elvis Rroshit.
Mbështetësit e Derjaj, mësohet t’i kenë shkruar kryeministrit Rama për faktin që grupi i Rroshit mban emrin e tij të fshehur.
Ky emër duket se po fshihet nga klani Rroshi, për të mos u evidentuar nga Rama, edhe pse mbeshtetësit e Derjaj i kanë dërguar mesazhe kryeministrit.
Silvana Daja është një nga gjashtë kandidatet e propozuara nga Partia Socialiste për të garuar në zgjedhjet e Bashkisë së Kavajës, të cilat u dekretuan nga presidenti Bujar Nishani për t’u mbajtur më 7 maj. Ajo është bashkëshorte e kryetarit të PS-së në qytetin e Kavajës, Gentian Daja, i akuzuar nga opozita si i lidhur me trafikun e drogës, që ditë më parë dha dorëheqjen. (V.G/SHUPLAKA)
Discussion about this post