Në Berat është kapur një shtetas i cili ishte shpallur në kërkim. Është fjala për Edison Çobo, 45 vjeç, banues në lagjen Çlirim, Berat, i cili vlerësohet nga Policia si me rrezikshmëri të lartë.
Shtetasi i lartpërmendur është shpallur në kërkim pasi Gjykata e Rrethit Gjyqësor Fier me vendim Nr.4137 datë 25.09.2017 ka caktuar masën e sigurisë “Arrest me burg”, për veprën penale, “Prodhim dhe shitje të lëndëve narkotike, kryer në bashkëpunim”, parashikuar nga neni 283/2 i Kodit Penal.
Gjithashtu ndaj këtij shtetasi DVP Berat ka nisur hetimin pasuror, ku për këtë materialet hetimore i kanë kaluar Prokurorisë së Krimeve të Rënda Tiranë.
(E.K/FAXWEB)
Discussion about this post