Mbrëmjen e djeshme qyteti i Burrelit u trondit kur një sasi eksplozivi shpërtheu. Eksplozivi shpërtheu në magazinën në pronësi të biznesmenit Mexhit Sina, 55 vjeç, duke shkaktuar dëme materiale.
Sipas një portal online Mexhit Sina ka mbajtur më herët edhe postin e nënkryetarit të Bashkisë së Burrelit, si përfaqësues i Partisë Socialiste. Ndonëse policia ka nisur hetimet për ngjarjen, nuk dihet ende me saktësi shkaku i vendosjes së tritolit në derën e biznesit të tij. Deri më tani policia ka shoqëruar disa persona për ngjarjen.
Lënda eksplozive e dyshuar tritol ishte vendosur në pjesën ballore të një magazine të tregtimit të miellit në pronësi të Mexhit Sinës. Nga shpërthimi është dëmtuar pjesërisht grila prej llamarine e derës që hyn në magazinë si dhe një pjesë e vogël e faqes së murit në krah të derës, ndërsa nuk ka persona të lënduar. (J.V/Shuplaka)
Discussion about this post