Kur kanë kaluar 74 vite nga dita e çlirimit të vendit, ende sot nuk ka një datë që i pajton të gjitha forcat politike.
Demokratët refuzojnë që të festojnë 29 Nëntorin si datën e çlirimit të vendit, edhe pse me ardhjen në pushtet të qeverisë së majtë ajo është tashmë dhe një festë zyrtare.
Mirëpo jo të gjithë në PD ndajnë të njëjtin qendrim, pasi kreu i grupit parlamentar të kësaj force politike, Edmond Spaho ka uruar sot festën e Çlirimit. Dhe nuk ka qenë aspak një ngatërresë, siç mund të mendohet.
Spaho është shprehur qartë edhe në përgjigjen e tij për komentuesit se ai zgjedh të festojë datën zyrtare të Çlirimit.
Kreu i PD-së Basha kreu dje homazhe në varrezat e Dëshmorëve të Kombit, dhe më pas u nis drejt Milanos, ndërsa Rama, Ruçi dhe Meta nderuan sot të rënët në luftën për çlirimin e vendit.
Nuk dihet se cili do të jetë qëndrimi i Bashës për lëvizjen e Spahos…
(E.K/FAXWEB.AL)
Discussion about this post