Kush është deputeti i Lulzim Bashës që votoi pro ndërtimit të Aeroportit në Vlorë

Një nga deputetët demokratë ka bashkuar sot votat me PS-në duke votuar pro projekligjit për ndërtimin e Aeroportit të Vlorës.

Është fjala për Agron Shehajn, ndërsa pjesa tjetër e deputetëve të PD-së vendosi që të votojë kundër. LSI vendosi që të abstenonte.

Më herët në Komisionin pati debate teksa deputeti Dashamir Shehi u shpreh se me tenderin po avantazhohen kompanitë turke.

Sipas tij është e nevojshme zgjerimi i hapësirës aeroportuale po duhet që të hapen mundësitë dhe për vendet e tjera, që të mos e kthejmë Shqipërinë në një Perandori Osmane.

“Unë kërkoj që të hapet mundësia dhe të shikohen dhe ofertat nga vendet europiane. Ça do bëjmë ne këtu do ndërtojmë Perandorinë Osmane, nuk po them që duhet që të bllokojmë miqtë tanë turq. Ne duhet që të shohim nga Europa, pasi ky rajon ka shumë turbulenca.

Të njëjtin qëndrim ka mbajtur edhe ish-ministri i Transporteve nga LSI, Edmond Haxhinasto. “Pse nuk i lihet një investitori shqiptar ndërtimi i aerportit? Aeroporti i Rinasit është ndërtuar nga investitor shqiptar pavarësisht se paratë erdhën nga jashtë”, tha Haxhinasto. 

Për votën kundër reagoi dhe kryeministri Rama, i cili u shpreh se opozita do çizme dhe jo investime dhe punësime të reja.

(E.K/FAXWEB)