Kryeministri Edi Rama në fjalën e tij në Kuvend, i ka kthyer përgjigje opozitës lidhur me çështjen e votës së Shqipërisë në OKB.
Rama tha se opozita krijon ‘kauza’ të rreme pasi ka frikë nga reforma në Drejtësi.
“Sot keni kërkuar debat për Jeruzalemin, nesër mund të kërkoni debat për Kanalin e Panamsë, pasnesër mund të kërkoni debat tjetrë sepse ju jeni në një hall të papërshkueshhëm. Jeni në gjende të shpërthenit dhe një luftë nukleare po të kishit gjë në dorë.
Halli juaj lidhet me atë që po ndodh në këtë shqipërinë tonë të vogël, sot e kërkoni shpëtimin në Lindjen e Mesme, nesër diku gjetkë. Mjafton të jetë një cep i botës.
Keni ankth nga halli që ju ka zënë, keniu humbur pushtetin keni humbur arsyen, keni humbur gjumin, politika juaj është baltë, sepse ajo e shkreta dhe e mallkuara reforma në drejtësi që e votuat me të dyja këmbët në një këpucë sepse ai vettingu që nuk e ndalët dot sepse kjo partia këtu që nuk e mundët tonëë ju kanë futur në një hall shumë të madh”, tha Rama.
Më tej, Kryeministri foli për një nga deputetët e opozitës që sipas tij, në një televizion ka folur kundër investimeve turke në Shqipëri.
Rama tha se ky deputet ha pilaf, pi raki dhe thotë “jemi europianë”.
“E kthyet shtetin shqiptar në një zhele pa asnjë vlerë. Jeni gati të beheni çifut, eskimez, dele e zezë e këtij vendi, mjafton të mos jeni këta që jeni. Dëgjova njërin nga ju që doli në një kazan që thoshte nuk duam investitor turk, që e nis ditën me pilaf, pi raki, ha plonc dhe e mbyll me groshë, fshi buzët me peshqir dhe thotë :”jemi europjon, nuk dum turk”.-vijoi Kryeministri.
Për kë ta ketë patur fjalën Kryeministri?!
Pak ditë më parë, ishte deputeti i opozitës, Dashamir Shehi, tha se qeveria shqiptare duhet t’i shikojë me kujdes investimet turke, pasi është rritur ndikimi i Turqisë.
(F.G/Faxweb)
