Ditën e djeshme ish-kryeministri i vendit dhe njëherësh deputet në Kuvendin e Shqipërisë, shpalli kandidaturën e tij për kreun e FSHF-së.
Përballë Armando Dukës që garon për mandatin e tij të pestë, Bashkim Fino duket një kandidat vërtet i denjë.
Fino deklaroi publikisht në një intervistë në Televizionin Publik Shqiptar, se do të synojë postin drejtues të Federatës së Futbollit në vend, por pa e dorëzuar mandatin e deputetit.
“Nuk e dorëzoj mandatin e deputetit, për sa kohë që ligji dhe Kushtetuta nuk më pengojnë të futem në këtë garë, edhe duke qenë deputet në Kuvend.
Nëse do të arrij të zgjidhem President i FSHF-së, atëherë do të largohem nga politika dhe do t’i përkushtohem totalisht zhvillimit të futbolli”, tha Fino.
Në këtë garë, Fino do të duhet të përballet me Presidentin aktual, që drejton Federatën prej 16 vitesh, Armando Dukën. Ky fundit, deklaroi më herët gjatë ditës së djeshme, zyrtarizimin e kandidaturës së tij për një mandat të 5-të.
Kështu që të gjitha mediat dhe titujt se kush do të ishte deputetja e re në Kuvendin e Shqipërisë dalin huq. Prej disa ditësh mediat e bënë fakt të kryer se Fino do ta linte mandatin e tij të deputetit.
Po mesa duket Fino do ta ketë një gur rezervë, edhe nëse Armando Duka ia del që të qëndrojë në krye të FSHF-së.
(E.K/FAXWEB)
Discussion about this post