Lista e zezë e publikuar nga Kryeministri Rama në lidhje me zyrtarët e lartë të administartës që janë denoncuar përmes komenteve u bë publike dje. Ndërkohë që reagimet për të ishin të shumta në rrjetet sociale dhe jo vetëm.
Po ama pas disa orësh Rama është detyruar që listës me 100 persona t’i shtojë një emër, atë të Lediana Bardhit.
Kjo nuk është një emër i panjohur në fakt pasi drejton zyrën e hipotekave të Tiranës dhe jo pak herë është denoncuar nga qytetarë të ndryshëm edhe në media për shkak të abuzimeve me detyrën.
Bardhi është emëruar drejtpërdrejtë nga vetë kryeministri Rama në vitin 2015 dhe vijon akoma të mbajë këtë detyrë. Duket se presioni i qytetarëve ka bërë që Rama të detyrohet të fusë në listën e zezë dhe një nga të emëruarat e tij.
Rama është masakruar nga ndjekësit menjëherë pas publikimit të listës së parë, pse emri i Lediana Bardhit nuk ishte i përfshirë. Për shumë qytetarë të Tiranë Bardhi është një nga emrat më të lakuar.
Sa kohë që lista nuk kurseu as figura të tilla të nderuara si mjeku Mentor Petrela duket e çuditshme kjo ‘’harresë” në listën fillestare të Ramës.
Duhet theksuar se në një vëzhgim paraprak të emrave të drejtorave shumica e tyre rezultojnë të jenë emra të propozuar nga LSI dhe PDIU, dy partitë nga të cilat kryeministri Rama ka kërkuar të çlirohet.
FOTOT E NDRYSHIMIT TE STATUSIT NGA KRYEMINISTRI:
Discussion about this post