Kush është drejtori i ri i OSHEE-së që u emërua sot nga Rama

Kryeministri Edi Rama ka emëruar ditën e sotme drejtorin e katërt teknik, emër i propozuar nga kryedemokrati Lulzim Basha.

Bëhet fjalë për drejtorin e ri të Operatorit të Shpërndarjes së Energjisë Elektrike, i cili është Haki Mustafa. Në bazë të marrëveshjes Rama-Basha, Mustafa është drejtori i ri që zëvendëson Ardian Çelën. Ai ka qenë kryetar i PD në Njësinë 11 në Laprakë, Tiranë.

Ditën e sotme, Haki Mustafa ka bërë prezantimin e stafit me OSHEE-në, ku ka qenë i pranishëm edhe ish-drejtori i OSHEE-së, Ardian Çela.

Emërimi i tij, vjen një ditë pas emërimit të dy drejtorëve të tjerë teknikë, Arjan Bylykbashit në krye të Hipotekave dhe Arjan Hoxhës në krye të Burgjeve.

(XH.A/SHUPLAKA)