Eurodeputetja 63-vjeçare greke që shokoi në një takim të zhvilluar dje, ku bëri një deklaratë skandaloze përpara politikanëve shqiptare e për më tepër në kryeqytetin shqiptar, është anëtare e Partisë Demokristiane në Greqi.
Zonja politikane që rezulton se është edhe mjeke në profesion, konkretisht kirurge pediatre, ka shtuar tensionin në marrëdhënien mes dy vendeve fqinjë me deklaratën e saj ku theksoi që në fillim se është nga Vorio-Epiri dhe se Greqia ka bërë gabim që i ka dhënë “OK” Shqipërisë për hapjen e negociatave me BE-në.
Ajo u bë pjesë e Parlamentit Europian në vitin 2009 dhe u rizgjodh në 2014-ën, por pavarësisht eksperiencës së gjatë në këtë strukturë të rëndësishme europiane, ajo guxoi dhe shkeli të gjitha normat me deklaratën fyese dhe tendencioze të saj.
Mesa duket postet që ajo ka mbajtur ndër vite dhe angazhime të ndryshme si: Kryetare e Komitetit për Çështjet Shëndetësore në Kongres dhe anëtare e atij për Mjedisin, por dhe fituese e disa medaljeve të arta dhe çmimeve të ndryshme, Eleni Theocharous, i kanë dhënë besimin në vetvete se mund të ndërhyjë lirshëm në çështje shteti duke vënë në diskutim marrëdhëniet mes dy vendeve.
Në fjalën e saj në mes të Tiranës, ajo shkeli lehtshëm të gjitha parimet e diplomacisë, integritetin territorial shqiptar dhe marrëvedhjet e parimet europiane, duke vënë në dyshim tërësinë territoriale të vendit tonë.
Discussion about this post