Në mesin e të arrestuarve të mbrëmjes së sotme, për grabitjen e 3.2 miliard dollarëve në afërsi të Rinasit, bën pjesë edhe Ernest Kupa, i dyshuar edhe si pjesë e “Bandës së Babagjyshëve”.
Kupa është arrestuar edhe më parë si i dyshuar për grabitjen e një dyqani në një qendër tregtare në periferi të Tiranës, në prag të Krishlindjeve të 2013-ës.
Autorët e grabitjes së 200 mijë eurove ishin maskuar si babagjyshë. Mirëpo, pavarësisht se u arrestua, Kupa u la i lirë për mungesë provash.
Në “Bandën e Babagjyshëve” bën pjesë edhe kushëriri i Ernest Kupës, Ilir Kupa. Përveçse pjesë e bandës famëkeqe, ky i fundit është i arratisur nga burgu i Trikallës në Greqi.
Mësohet se Ernest Kupa drejtonte një biznes privat në Krujë, një restorant-piceri. (D.D/Shuplaka)
