Kush është gjyqtari që dha sot dorëheqjen, gjykoi Ilir Metën dhe Lulzim Bashën

Anëtari i Gjykatës Kushtetuese Besnik Imeraj dha sot dorëheqjen. Besnik Imeraj ka gjykuar dosjen e Lulzim Bashës për aferën me rrugën Durrës-Kukës në kohën kur ishte Ministër i Transporteve dhe atë të Ilir Metës, pas video-përgjimit të Dritan Priftit, zoti Imeraj ka qenë edhe kundër procesit të Vettingut.

Ai ka qenë ndër të parët që ka zvarritur procesin e Vettingut duke kërkuar që ta shqyrtonte Komisioni i Venecias. Ndërkohë kujtojmë që Komisioni i Venecias nuk bëri asnjë ndryshim në formulimin e saj.

 Besnik Imeraj është prej vitit 1977 në organet e drejtësisë. Ai ka qenë gjyqtar në Apelin e Durrësit, e më pas anëtar i Këshillit të Lartë të Drejtësisë. Pas tetë viteve në Gjykatën e Lartë, Imeraj u emërua në vitin 2013 në Gjykatën Kushtetuese.

(M.Q/Faxweb)