Gjatë kohës që në çadrën e protestës ishte duke folur ish-kryeministri Sali Berisha, në prezencë të mbështetësve dhe disa deputetëve, një grua, rreth të 50-tave hyri duke ofenduar me fjalën ”Malokë”.
Po kush është gruaja që krijoi incidentin dhe tentoi të ndërpresë Berishën? Mësohet se quhet Eklarina Hoxhaj, nga Vlora dhe militante e PS-së.
Berisha ishte duke akuzuar qeverinë për pushtetin e arritur në sajë të trafikut të drogës, teksa ajo prapa turmës shau me zë të lartë duke tërhequr vëmendjen e të pranishmëve.
“Malokë të qelbur, rroftë Edi Rama, ikni zhdukuni, lugatë, doni të vini në pushtet me shpuarje gomash”, mësohet të ketë thënë gruaja I menjëhershëm ka qenë reagimi i të pranishmëve që kanë tentuar ta largojnë, si dhe ndërhyrja e demokrates Majlinda Bregu që u ka bërtitur të rinjve: ”Mos e godisni, është femër”.
Por kjo ndërhyrje nuk është mirëpritur nga mbështetësit demokratë që nisën t’ia shfaqin këtë pakënaqësi. Megjithatë një gjest me dorë i Berishës, qetësoi situatën dhe gruaja u largua nga turma.
“Nuk bëra asgjë. Thashë vetëm atë që ndieja; Rroftë Edi Rama!. Kjo është bindja ime”, mësohet të ketë thënë në polici Eklarina Hoxhaj. (V.G/SHUPLAKA)
[ngg_images source=”galleries” container_ids=”1272″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post