Tre ditë më parë ndërroi jetë në Qendrën Spitalore “Nënë Tereza”, një i burgosur, 76 vjeç. Mësohet se viktima ishte Servet Dervishi, 76 vjeç, i cili ishte transferuar nga Burgu i Zaharisë së Krujës paraditen e së martës, pasi kishte shfaqur probleme kardiake, shkruan “Panorama”.
Edhe pse iu dha ndihma e menjëhershme ai nuk mund të shpëtonte.Burime nga Policia e Tiranës thanë se viktima ishte dënuar me 25 vjet burg për një vrasje me paramendim të kryer në Tepelenë, vite më parë.
“Në spitalin ‘Nënë Tereza’, ka vdekur shtetasi Servet Dervishi, 76 vjeç, banues në Tepelenë, i dënuar për veprën penale ‘Vrasje me paramendim’. Nga veprimet e kryera rezultoi se vdekja ka ardhur për shkaqe natyrale. Materialet u referuan në Prokurorinë e Rrethit Gjyqë sor Tiranë”, thuhet në njoftimin zyrtar të Policisë së Shtetit. Mjekët ligjorë kanë kryer autopsinë e 76-vjeçarit dhe nga raporti paraprak dyshohet se vdekja ka ndodhur për shkak të problemeve kardiake. (J.V/Faxweb)
Discussion about this post