Kush është i “forti i Sukthit” që ndodhej në makinë bashkë me një femër dhe prokurorin Ndoja

Një atentat me armë zjarri është bërë pasditën e sotme tek mbikalimi i Shkozetit në Durrës ku paraprakisht mendohet se shënjestër e tij ka qenë prokurori Arjan Ndoja ndërsa kanë mbetur të plagosur 4 persona.

Pamjet e mëposhtme i përkasin momentit të shoqërimit dhe mbërritjes në spital të personave të plagosur mes tyre edhe prokurori Arjan Ndoja.

Bashkë me prokurorin ndodhej në makinë edhe një person i cilësuar si i ‘forti i Sukthit’ për të cilin Faxweb.al mëson se quhet Landi Muharremi dhe ndodhet në gjendje të rëndë në spital.

Ndërkohë nga ana e Policisë janë ngritur disa pika kontrolli në rrugët kryesore por dhe në ato hyrëse e dalëse të Durrësit.

Ndërkohë njëri prej mjeteve nga ku është qëlluar është tip “Benz” me targa AA 333 ZD dhe ndodhet në vendin ku ka ndodhur ngjarja.

https://www.facebook.com/faxweb.al/videos/401663460786361/

(F.GJ/FAXWEB.AL)