Kush është i riu që luftoi për jetën, Rama rrëfen historinë e tij që në mëngjes

Mëngjesin e sotëm, kryeministri Edi Rama zgjodhi një të ri, për të cilin shkruan se ka rilindur, për t’u uruar një ditë të mbarë shqiptarëve.

Ai rrëfen historinë e Ilir Hotit, për të cilin shkruan se pas një kalvari 20-vjeçar mundimesh që nga diagnostikimi me insuficencë kronike renale, ai gëzon shëndet së bashku me 32 të tjerë që kanë kryer transplant të veshkave në tre vite e gjysmë të kësaj qeverisje.

Duke akuzuar qeverinë e kaluar që në tetë vite kreu vetëm 2 transplante me kosto marramendëse prej 1.8 milionë eurosh, ai shprehet se në tre vite e gjysmë u arrit kryerja e 33 transplanteve me 380 mijë euro.

“MIRËMËNGJES

dhe ju uroj një ditë të mbarë më këtë imazh plot jetë të këtij të riu që prej 5 muajsh ka rilindur falë një transplanti FALAS në Shqipëri.

Ilir Hoti, pas një kalavari 20 vjeçar mundimesh që nga diagnostikimi me insufiçencë kronike renale, sot gëzon shëndet të plotë bashkë me 32 përfituesit e tjerë të transplanteve të veshkës në këto 3 vjet e gjysëm.

Në 8 vitet e shkuara u tentuan pa sukses vetëm 2 transplante me një kosto marramendëse prej 1.8 milionë eurosh. Në 3 vjet e gjysëm u realizuan me sukses të plotë 33 transplante me vetëm 380 mijë euro.

Shumë është bërë per Shërbimin Kombëtar Shëndetësor. Por ende më shumë mbetet për t’u bërë në rrugën e vështirë të rilindjes së shëndetësisë. Por edhe shumë ka për të humbur nëse ndalemi sot.

Prandaj përpara për #ShqipërinëQëDuam me#Shtet #Punë #Mirëqenie”, shkruan Rama.

(XH.A/SHUPlLAKA)