Fation Xhyliu nga Lushnja, është një nga të arrestuarit që padashur futi në grup shokët e skuadrës, të cilët kryen grabitjen e 3.2 miliard dollarëve në afërsi të Rinasit.
Sipas të dhënave të grupit hetimor, Xhyliu është një ish-punonjës i policisë private që u grabit në vitin 2015, në të njëjtin aks rrugor ku u krye edhe grabitja e së enjtes, me të njëjtën skemë. I arrestuari dyshohet se ka qenë ai që u ka dhënë informacionet “shokëve të grupit”, për lëvizjen e parave.
Grupi hetimor zbuloi pas verifikimit të antenave telefonike, se Xhyliu ka qenë i pranishëm 30 minuta para dhe pas grabitjes, në zonën përreth Qafës së Kasharit dhe Rinasit. Kështu ai u arrestua ditën e premte.
Kurthi:
Por duke qenë se 33-vjeçari e mohoi pjesëmarrjen në krim, policia vendosi t’i ngrinte një kurth. Në të njëjtën ditë, bardhëeblutë vendosën të arrestonin vëllain e tij, i cili nuk ka qenë i implikuar në grabitje. Megjithatë policia e konsideronte si “mjeti” i duhur për të çuar drejt zbardhjes së plotë të ngjarjes.
Dy vëllezërit u mbyllën për më shumë se 12 orë në të njëjtën dhomë në komisariat, pa iu lënë mundësia të kontaktonin me persona të tjerë. Në dhomë policia kishte vendosur disa përgjues ambientalë, të cilët rregjistruan rrëfimin e Xhyliut. Gjatë bisedës me të vëllain, Xhyliu padashur zbuloi gjithë historinë. (D.D/Shuplaka)
Discussion about this post