Julian Sulo, 39 vjeç, është personi që iu sekuestruan 70.000 euro dhe një automjet me vlerë 100 000 euro që dyshohet se janë përfituar nga aktiviteti kriminal.
Sulo është një emër i njohur për policinë, pasi është i përfshirë dhe më herët në disa ngjarje kriminale, ndërsa sekuestrimi i pasurisë së tij, vjen një ditë pas ekzekutimit të biznesmenit Besmir Hida në qytetin e Lushnjes.
Hera e fundit kur ai është ndaluar daton rreth dy vite më parë, kur Sulo nuk iu bind urdhërit të policisë për të ndaluar, ndërsa u la i lirë disa ditë më vonë për shkak të mungesës së provave.
Në momentin e arrestimit atij iu gjetën një armë “Grand Poëer” Q 100, që policia e sekuestroi bashkë me 15 fishekë, ndërsa vetë ai lëvizte me një makinë të blinduar.
Ai ka qenë një nga personat e shoqëruar si të dyshuar për masakrën në Lushnjë, ku u ekzekutuan Jurgen Hoxha dhe Zamir Latifi, miq të nipit të Aldo Bares, Laert Haxhiut. Sula u vetëdorëzua në polici pas vrasjes së dy të rinjve por u lirua më pas për mungesë provash.
Një tjetër ngjarje ku ai shtë skeduar është ajo e gati tre viteve më parë, më 11 qershor 2016 kur Julian Sulo u plagos pas ndeshjes Shqipëri-Zvicër në një pikë bastesh, në lagjen “Skënder Libohova”. Lokali në fjalë ishte në pronësi të Arjan Aliços, i njohur ndryshe si “Arti i Braçes” një 53-vjeçar, i dënuar më parë për vrasje dhe që njihet si një nga ushtarët e Aldo Bares.
Ai u qëllua me thikë rreth 20 herë dhe me leva aq sa u la si i vdekur buzë rruge dhe u shpëtua nga një kalimtar i rastit. Sula nuk përmendi kurrë emrin e ushtarit të Aldo Bares si autor por Arjan Aliçko mori përsipër krimin dhe ndodhet në burg.
Ndërkohë në 29 janar të këtij viti banesa e Arjan Aliços në lagjen “18 tetori” të Lushnjës u qëllua me armë zjarri, por nuk pati persona të lënduar.
(E.K/Faxweb.al)
