Rama sapo përgojoi një këngëtar, jo më larg se sot. Në fjalën e tij në Asamble duke folur në lidhje me ndarjen e pushteteve me Partitë e tjera Rama ndër të tjera u shpreh se në Agjensinë e Burimeve Natyrore gjeti të punësuar dhe këngëtarë.
Edhe pse vetë artist kryeministri, duket se jo me të gjithë që kanë pasion artin mban standarde të njëjta. Madje së fundi i ka paguar miliona Bienales së Venecias për të promovuar artin e tij me fonde publike.
Jo pak herë Rama mban mbledhje me artistë, miqtë e tij të afërt ndajnë të njëjtin pasion me të, atëherë pse një këngëtar nuk mund të jetë pjesë e një institucioni, kur ai vetë është në krye të qeverisë.
Aq shumë i lidhur me artin është Rama sa edhe në qendrën për dialog që ka në kryeministri mban edhe mikun e tij Anri Sala.
Në një hulumtim të shpejtë një nga këngëtarët që e ka deklaruar vetë pak kohë më parë që punon në këtë agjensi është edhe Klajdi Musabelliu.
“ Unë jam i angazhuar në politikë. Ndërkohë jam në sektorin e marrëdhënieve me publikun në “Agjencia Kombëtare e Burimeve Natyrore”, deklaronte Klajdi pak kohë më parë në një imntervistë për mediat.
Klajdi është një nga këngëtarët më të mirë shqiptarë, ku dalloi tek kompeticioni i të rinjve ‘’Ethet e së premtes mbrëma” dhe prej atëherë ka qenë pjesë aktive e skenave në vend.
A u kujdes kryeministri Rama të informohej në lidhje me formimin e këngëtarit në fjalë, apo u mjaftua me faktin që të jepte pak ”show” në lidhje me të tijtë?! Klajdi Musabelliu ka studiuar për Shkenca Komunikimi.
(E.K/SHUPLAKA)
