Një tjetër kryebashkiak i Partisë Socialiste flitet ka fshehur dënimin në të kaluarën, dhe këtë herë denoncimi nuk është bërë nga Partia Demokratike, por në një studio televizive.
Gazetari Blendi Fevziu lexoi mbrëmë në emision një mesazh të mbërritur në telefonin e tij, por nuk pranoi të zbulojë emrin e kryebashkiakut që denoncohej nga një qytetar.
Sipas asaj çka shkruhej në mesash, bëhet fjalë për një kryebashkiak të ndaluar nga policia në vitin 1996 për kontrabandë.
Mesazhi:
“Zoti Fevziu ju përshëndes kam diçka me interes për kryetarin e Bashkisë… më jep dhe emrin…ka punuar doganier nga viti 1992deri në vitin 2005 në filan vend. Në nëntor-dhjetor 1996 është ndaluar nga policia për kontrabandë është ndaluar së bashku me filanin, doganier filanin kontrollor filanin, polic filanin dhe ky pesoni.
Atëherë u fsheh dhe fizikisht nuk u ndalua. Dosjen e ka o në arkivin e prokurorisë o në polici. Në formularin e dekriminalizimit nuk e ka deklaruar, ka ndryshuar edhe emrin bashkë me mbiemrin nga filani e ka bërë filani… Dhe më ka çuar dhe formularin”.
