Vetëm dy ditë më parë një mësues matematike në shkollën 9- vjeçare “Mustafa Lleshi”, në Kashar të Tiranës, u arrestua pas denoncimit për ngacmim seksual të një nxënëseje të klasës së shtatë që mësuesi i jepte mësim.
I arrestuari është Hasan Martani, 64 vjeç dhe ishte mësuesi kujdestar i vajzës me iniciale J.H., ndërsa në këtë shkollë jepte mësim prej 9 vitesh.
Burimet thanë se përveç kallëzimit që i është marrë 14-vjeçares, prindërit e saj kanë dorëzuar si provë edhe disa mesazhe që ai i kishte dërguar vajzës në rrjetin social Facebook. Sipas “Panorama” ky që po shihni në foto është 64-vjeçari i cili u arrestua nga policia.
Gjatë dëshmisë së tij në polici vajza mund ta ketë keqkuptuar në ndonjë veprim apo afrimitet që mund të ketë treguar me të, për shkak se ajo ishte nxënëse e mirë. Por sipas tij nuk ka ndodhur asgjë më shumë dhe veprime të tilla nuk i ka kryer asnjëherë gjatë karrierës së tij.
Sot për 64-vjeçarim është dhënë masa “arrest me burg”. (J.V/Shuplaka)
