Detaje të reja janë zbuluar nga hetimet për atentatin ndaj prokurorit Arjan Ndoja tek mbikalimi i Shkozetit, në Durrës, ku mbeti i plagosur Landi Muharremi dhe ndërroi jetë shoferi i tij, Andi Maloku.
Pak më parë u raportua se është marrë në pyetje një nga personazhet e njohur të showbizzit shqiptar, e cila komunikonte me Redjan Rrajën dhe që ishte një modele e njohur në televizionet shqiptare.
Bëhet e ditur se vajza e njohur është pikërisht Kejvina Kthella, ish velinë e emisionin “Xing me Ermalin” dhe që dy vitet e fundit është bërë mjaft e njohur.
Hetimet kanë zbuluar se modelja e njohur kishte miqësi me Redjan Rrajën, i arrestuar pak ditë më parë, në pikën kufitare të Hanit të Hotit, në tentativë për t’u larguar nga Shqipëria.
Raportohet se Kthella kishte bisedime të shpeshta telefonike me 34-vjeçarin Rraja. Ndërkohë, po të njëjtat burime bëjnë me dije se Kthella është marrë në pyetje për të zbuluar më shumë rreth lëvizjeve të Rrajës, ditën e atentatit, por edhe për të mësuar më shumë mbi jetën e këtij të fundit.
Me lajmin e vdekjes së shoferit Andi Maloku, pritet të ndryshojë edhe akuza për të arrestuarin e vetëm si autorë të dyshuar të atentatit.
Akuza e vrasjes “kundër dy ose më shumë personave”, e kryer në bashkëpunim, e mbetur në tentativë” do të kthehet në atë të vrasjes. Ndërkohë mbeten në fuqi akuzat për “Vrasja e funksionarëve publikë”, e mbetur në tentativë, që lidhet me prokurorin Arjan Ndoja dhe dhe “Armëmbajtja pa leje”.
Kujtojmë se për ngjarjen e rëndë është arrestuar Redjan Rraja, për të cilin gjykata vendosi masën e sigurisë “Arrest me Burg”.
(M.Q/Faxweb.al)
