Mjeku kirurg i cili u godit sot me mjete të forta në oborrin e spitalit të Shkodrës, sot kishte 5 javë që i kishte vdekur e ëma, që në këtë qytet quhen “të 5-tat” dhe bëhet edhe një organizim familjar.
Po ashtu në muajin shkurt, Besmir Grizhja në muajin shkurt ka kryer një ndërhyrje të rrallë kirurgjikale e cila është konsideruar histori suksesi.
Së bashku me dy kirurgë të tjerë, Grizhja ka realizuar një ndërhyrje të rrallë kirurgjikale vaskulare te një paciente.
Ajo kishte arteria ishiadike perizistente aneurizmatike me ishemi të këmbës, ku rrezikonte prerjen e saj. Operacioni, i cili ishte i 168-ti në botë që nga viti 1960, u krye me sukses.
Mirëpo pavarësisht kësaj, Grizhja nuk ka arritur t’u shmanget konflikteve më të afërmit e pacientëve. Ali Kopliku e goditi atë në orarin e punës, me mjete të forta.
DETAJET E POLICISË
Sipas policisë Kopliku është person me precedentë të mëparshëm penalë.
Shkodër Me datë 29.07.2017, ora 12.20 është paraqitur për të bërë kallzim shtetasi B. G. 31 vjeç, banues në lagjen “Vasil Shanto” me detyrë doktor, kirurg në Spitalin Rajonal Shkodër. Në kallëzimin e bërë, shtetasi B. G, ka sqaruar se i ka dërguar mesazhe kërcënuese në telefon, shtetasi A.K dhe i ka kërkuar të takohet me të.
Pasi e ka takuar shtetasin A.K, 45 vjeç banues në lagjen “10 Korriku”, ky shtetas e ka goditur me grushta, me pretendimin se bashkëshortja e tij nuk ka marrë mjekimin e duhur nga ana e doktorit por i kishte dhënë një rekomandim për mjekim në QSUT. Nga shërbimet e Policisë po punohet për kapjen dhe shoqërimin e shtetasit të lartpërmendur. (D.D/Shuplaka)
Discussion about this post