Kanë dalë detaje të reja në lidhje me aksidentin që ndodhi mëngjesin e sotëm në zonën e Malit të Robit.
‘’Faxweb.al” raporton se drejtuesi i mjetit që ka shkaktuar aksidentin është Halil Koka, ndërsa udhëtonte me 30-vjeçaren Ilda Parroj. Kjo e fundit ka thënë fillmisht që ishte ajo nën drejtimin e mjetit kur ndodhi aksidenti, po hetimet vërtetuan të kundërtën.
Koka është nipi i ish-ministrit Lefter Koka, ndërsa prej dy ditësh i ishte hequr patenta. Dy të rinjtë ishin duke udhëtuar në drejtim të qytetit të Lushnjes, ku Ilda Parroj ishte e punësuar në një kishë.
Nga aksidenti mbetën të vdekur Xhemil dhe Edlira Fisku, ndërsa u plagos një fëmijë 8-vjeçar, jashtë rrezikut për jetën.
DETAJE
Specialistët e Hetimit të Krimit në Komisariatin e Policisë Kavajë në bashkëpunim me Prokurorine kanë arrestuar në flagrancë drejtuesin e mjetit tip “Toyota” shtetasin Halil Koka, 40 vjeç, banues në Durrës.
Pas disa veprimeve hetimore, shërbimet e Policisë kanë dokumentuar se ishte ky shtetas drejtuesi i mjetit që shkaktoi aksidentin rreth orës 07:40 tek Mali i Robit, ndërsa shtetasja I.P., rezultoi se ishte pasagjere në këtë mjet, megjithese në deponimet e para në vendngjarje deklaroi se e drejtonte ajo mjetin kur ndodhi aksidenti. Materialiet do t’i kalojnë Prokurorisë pranë Rrethit Gjyqësor Kavajë për veprime të mëtejshme.
(E.K/FAXWEB)
