Policia e Shtetit pranon zyrtarisht se i arrestuari në Malajzi është shqiptari Klodian Zaimaj i cili rezulton që nuk ka dhënë asnjëherë mësim në Shqipëri.
Bëhet fjalë për pedagogun i cili dyshohet se bënte pjesë në një grup terrorist i cili kishte lidhje me organizatën “Abu Sayyaf”.
Klodian Zaimaj që njihet edhe me emrin fetar Ibrahim është me origjinë nga Cërriku i Elbasanit dhe vjen nga një familje e besimit mysliman. Të afër të Zaimajt mendohet se janë pjesë edhe e Myftinisë së Elbasanit.
35-vjeçari i cili jepte mësim ne Malajzi u arrestua mes tetë personave që dyshohet se kryenin aktivitete të paligjshme në shërbim të ISIS në tri shtete.
Dyshohet se që nga viti 2012 i riu shqiptar i ishte futur botës akademike në Malajzi, ku jepte mësim për të drejtat ligjore në një universitet lokal.
Policia Shqiptare është treguar e rezervuar në lidhje me këtë ngjarje, pasi hetimet janë ende në fazën fillestare dhe nga ana e agjentëve të Antiterrorit në Shqipëri po kryhen disa verifikime për lidhjet e tij të mundshme në vendin tonë. (B.N/Shuplaka)
