Dorina Tallo 32 vjeçe, me detyrë Shefe Personeli, është autorja e dhunës së ushtruar ndaj 55-vjeçares Kristina Stoja, me detyrë shefe Finance në këtë poliklinikë. Mësohet se pas denoncimit të rastit, ka nisur procedimi penal për veprën penale: “Dëmtime të tjera me dashje”.
Referuar dëshmisë të së dhunuarës në polici, 32-vjeçarja Stoja akuzohet se ka dhunuar fizikisht duke i shkaktuar shenja dhune në fytyrë e duke i thyer syzet optike punonjësen 55-vjeçaren.
Mësohet se ajo e ka kërcënuar shefen e Financës në këtë poliklinikë që të votojë Partinë Socialiste ndryshe do të hiqet nga puna.
Detaje nga dëshmia e të dhunuarës:
“E dhunuara Kristina Stoja me detyre shefe finance eshte dhunuar ne ambientet e poliklinikes nga shefja e personelit Dorina Tallo 32 vjeç. Autorja e ka kercenuar 55-vjeçaren me largim nga puna nese ajo nuk votonte PS-në ndersa e ka dhunuar fizikisht duke i shkaktuar shenja ne fytyre dhe i ka thyer syzet optike. Policia ka nisur hetimet per rastin ne fjale.”
Detaje të policisë:
Procedohet penalisht në gjendje të lire, shefja e Burimeve Njerëzore pranë Drejtorisë së Shëndetit Publik, për veprën penale: “Dëmtime të tjera me dashje”.
Specialistët e Seksionit për Krimet në Komisariatin e Policisë Kolonjë, filluan procedimin penal në gjendje të lirë ndaj shtetases :
D.T, 30 vjeçe, banuese në Ersekë (me detyrë shefe e Burimeve Njerëzore pranë Drejtorisë së Shëndetit Publik Ersekë).
Procedimi ndaj saj filloi pas kallëzimit të bërë më datë 21.06.2017, nga shtetasja K.S, 55 vjeçe, banuese në Ersekë, me detyrë shefe Finance pranë kësaj Drejtorie, e cila ka deklaruar se shtetasja D.T, në ambjentet e Poliklinikës të qytetit të Ersekës, për motive të dobëta, e ka fyer dhe goditur në fytyrë këtë të fundit. Materialet i kaluan Prokurorisë të Rrethit Gjyqësor Korçë për veprime të mëtejshme.
(XH.A/SHUPLAKA)
