Kush është politikani serb që u vra në Mitrovicë, i dënuar për krime lufte

Oliver Ivanovic është  konsideruar gjithmonë si lideri i kryesor të serbëve të Kosovës pas përfundimit të luftës.  Ai u vra pasi një sulmi me armë në Mitroivicë. 

Mediat serbe raportojnë se ai ka marrë 4 plumba dhe ka ndërruar jetë pas disa minutash në spital.  Po kështu raportohet se sulmi me armë ka ndodhur para zyrës së tij. Nga vetë qeveria e Kosovës ky sulm është quajtur i rëndë. Qeveria serbe pas marrjes së lajmit ka ndërprerë bisedimet me Brukselin në lidhje me Kosovën.

Kush ishte Oliver Ivanoviq?

Oliver Ivanovic është i lindur në Irzniq të Deçanit dhe i rritur në Gjakovë e Mitrovicë. 

Ai përfaqësonte një frymë të re në politikën serbe që në atë kohë përfaqësohej nga Zoran Dindic. Ndërkombëtarët i kishin varur shpresat te ky politikan nga Mitrovica, por nuk do të vononte shumë dhe imazhi i tij do të ndryshonte. Ivanovic rezultoi se kishte marrë pjesë në masakra kundër shqiptarëve. Ai është i dënuar për krime lufte.

Oliver Ivanoviç lindi më 1 prill 1953 në fshatin Irzniq afër Deçanit. Ai mbaroi shkollën fillore dhe inxhinierike mekanike në Mitrovicë. Ishte kadet i Akademisë Ushtarake në Zagreb, por u largua pas tre vjetësh. Ai u diplomua nga Fakulteti i Inxhinierisë Mekanike në Mitrovicë dhe u diplomua nga Fakulteti i Ekonomisë në Prishtinë.

Ka punuar në kompaninë transportuese të Mitrovicës TransKosova, në fabrikën e pllakave qeramike të Mozaikut dhe në zyrën e Hepokut në Mostar. Prej vitit 1991 deri në 1998 ai ishte kreu i qendrës sportive në Mitrovicë. Ai shërbeu si zëvendës drejtor i përgjithshëm i kompanisë “Feronikl” nga Drenasi deri në 2004, kur u bë drejtor i Shërbimit Kombëtar të Punësimit për Kosovë.

Kur u formua Këshilli Kombëtar Serb në vitin 1999, Ivanovic u bë kryetar i Komitetit Ekzekutiv të tij për veriun e Kosovës. Prej atij vendi ai u zëvendësua në vitin 2001. Kur qeveritë e RFJ-së dhe të Serbisë formuan “Qendrën Koordinuese për Kosovën dhe Metohinë”, të emëruar si Shef i Shërbimit për Zhvillim Ekonomik dhe Rindërtim. Që nga viti 2008, ai ishte sekretar i shtetit në Ministrinë e Kosovës. Ai ishte anëtar i Partisë Social Demokratike që nuk ekziston më. Ai ishte një instruktor dhe një arbitër ndërkombëtar karate. Ai ishte kryetar i klubit të karatesë “Trepça”.

Për një kohë të gjatë, ai konsiderohej si një prej politikanëve më të moderuar serbë të Kosovës. E madje, ndërkombëtarët kishin investuar goxha shumë tek ai.

Gjykata Themelore e Mitrovicës në vendimin e 30 marsit 2016, e shpalli fajtor Oliver Ivanovicin  për veprën penale të Krimeve të Luftës kundër Popullatës Civile dhe ndaj tij morri një dënim prej 9 vitesh burgim. Por në shkurt të vitit të kaluar ndryshoi masa ndaj Ivanovicit në burg shtëpiak. (J.V/Faxweb)