Për breshërinë e plumbave mbi automjetin në Kamëz kanë dalë detaje të reja. Mjeti tip “Audi” i parkuar në lagjen “Kodër – Haxhë” në Kamëz mësohet se është në pronësi tëMehmet Cokut.
Policia ka nisur hetimet, ndërsa pista kryesore është ajo e konfliktit për çështje pronësie. Sipas “Ballkan Web” pronari i mjetit Mehmet Coku është marrë në pyetje, ndërsa ka dëshmuar se nuk ka konflikte me njeri.
DETAJE:
Më datë 31.07.2017, rreth orës 01:20, numrin e Emergjencave 112 ka ardhur një telefonatë për të shtëna me armë në lagjen “Kodër – Haxhë”, në Kamëz.
Në vendngjarje kanë mbërritur shërbimet e policisë dhe nga hetimet paraprake ka rezultuar se persona ende të paidentifikuar, kanë qëlluar me breshëri arme zjarri, në mjetin e parkuar tip ” Audi “, në pronësi të shtetasit M.C. Nuk ka patur dëmtime në njerëz. Në vendngjarje janë sekuestruar në cilësinë e provës materiale disa gëzhoja arme. (J.V/Shuplaka)
Discussion about this post