Të shtëna me armë zjarri janë dëgjuar para pak minutash në zonën e ‘’Astirit” në kryeqytet. Paraprakisht mësohet se është plagosur një 22-vjeçar i identifikuar si Gentian Rrahmani. I plagosuri ka qenë i shoqëruar disa herë në Polici për vepra të ndryshme penale.
Forca të shumta Policie kanë mbërritur në zonë dhe pritet të jepen detaje të reja në lidhje me ngjarjen. Burime policore për ”Fax News” thonë se i riu është transportuar drejt Spitalit jashtë rrezikut për jetën.
Policia është vënë në kërkim të autorëve, që janë larguar me shpejtësi nga vendngjarja. Kanë qenë banorët e lagjes ata që kanë raportuar fillimisht për të shtënat.
Informacion paraprak i Policisë:
Më datë 16.11.2017, rreth orës 12:35, në Sallën Operative ka ardhur një telefonatë se në rrugën “Teodor Keko”, është plagosur një shtetas me armë zjarri.
Menjeherë në vendgjarje kanë mbëritur shërbimet e Policisë dhe Ambulanca, ku nga veprimet paraprake ka rezultuar se:
-Në rrugën “Teodor Keko” fillimisht ka ndodhur një konflikt, ku dyshohet se dy shtetas kanë goditur me sende të forta një tjetër dhe me pas i ka thyer xhamin e mjetit me sende të forta. Shtetasi i dëmtuar me sende të forta pasi ka hipur në mjet, në largim e sipër ka qëlluar me armë zjarri pistoletë në drejtim të shtetasit Gentian Rrahmani, 30 vjeç, lindur ne Kukes e banues ne Tirane, i cili është plagosur.
Shtetasi i plagosur është dërguar në spital dhe ndodhet jashtë rrezikut për jetën. Nga ana e Policisë është identifikuar autori dhe po punohet për kapjen e tij. Ndërko grupi hetimor vijon punen per sqarimin e plotë të rrethanave të ngjarjes.
(E.K/FAXWEB)
Discussion about this post