Kush është shqiptari që u ekzekutua nga atentati mafioz në Ekuador

Nga vrasja  në Ekuador të 40-vjeçarit shqiptar Ilir Hidri pak ditë më parë janë zbuluar detaje të reja. 

Gazeta vendase “ElUniverso”, raporton se shqiptari Ilir Hidri, me origjinë nga Vlora është qëlluar sapo ka zbritur nga makina nga persona ende të paidentifikuar dhe menjëherë ka gjetur vdekjen. 

Sipas mediave dyshohet se vrasja ka lidhje me punën e dyfishtë të shqiptarit pasi Hidri ishte edhe informator i Policisë për grupet e drogës, por edhe pjesmarrës në njërën prej tyre.

Vrasja e tij mund të ketë ardhur nga grupet e drogës të cilat mesa duket do të jenë hakmarrë ndaj shqiptarit. 

Po ashtu mësohet se vrasja e tij është regjistruar nga kamerat e sigurisë, por ende policia ekuadoruiane nuk ka rënë në gjurmët e autorit. Ky i fundit menjëherë pas vrasjes, u largua me motor, por policia ekuadoriane dyshon se ka patur edhe një bashkëpunëtor. (J.V/Shuplaka)