Kush është specialistja e arsimit në Shkodër që iu shpërthye makina gjatë natës, dyshimet e para (VIDEO)

Një ngjarje e rëndë ka ndodhur gjatë natës së djeshme në Shkodër. ‘’Shuplaka” mëson se ka shpërthyer automjeti i specialists së Drejtorisë së Arsimit në këtë qytet. Identiteti i saj është Frida kopliku.

Dyshimet e para flasin për shpërthimin e një sasie tritoli, po nuk përjashtohen as pista të tjera si ajo e ndonjë shkëndije elektrike që ka shpërthyer mjetin. 

Nga videot që sjell ”Shuplaka” shihet qartë dëmtimi që ka pësuar mjeti, ndërsa ka qenë i parkuar. Policia ndodhet në vendngjarje dhe pritet që të ketë një raportim mbi shkaqet e kësaj ngjarjeje. 

DETAJE:

Më datë 11.10.2017, rreth orës 00:50, ka ardhur një telefonatë në Sallën Operative se në lagjen “Vojo Kushi” Shkodër, në rrugë është dëgjuar një shpërthim i lehtë. Menjëhere në vendngjarje kanë shkuar shërbimet e policisë dhe shërbimi zjarrfikës ku kanë konstatur se:

Si pasojë e shpërthimit kishte marrë flakë mjeti tip Volkswagen në pronësi të shtetases F. K. 60 vjeçe, banuese në lagjen “Vojo Kushi”, me detyrë Inspektore në Drejtorinë Arsimore Rajonale Shkodër. Ndërhyrja në kohë e shërbimit zjarrfikës bëri të mundur fikjen e zjarrit.

Nga veprimet e para të kryera në vendngjarje dyshohet se ka patur një shpërthim të lehtë poshtë mjetit i cili ka qënë i parkuar dhe për pasojë mjeti ka marrë flakë. Automjeti është dëmtuar lehtë në pjesën e prapme, dhe nuk ka patur dëme në njerëz. Po kryhen veprimet me grup hetimor, për sqarimin e plotë të rrethanave të ngjarjes.

(E.K/SHUPLAKA)

https://www.youtube.com/watch?v=uB0JZe5bgbc&feature=youtu.be

https://www.youtube.com/watch?v=xBlP_Kvrn1o&feature=youtu.be