Kush është terroristi nga Libia që vrau 22 persona në Manchester dhe plagosi qindra të tjerë (PROFIL)

Vetëm dy netë më parë në një koncert në Manchester të Anglisë ndodhi një shpërthim i fuqishëm dhe u vranë 22 persona dhe 119 të tjerë ngelën të plagosur. Ky ishte një koncert i organziuar nga këngëtarja e njohur Ariana Grande, e cila në momentin e shpërthmit ishte duke performuar dhe në të ndodheshin shumë adoleshentë, të rinj, madje edhe fëmijë, fansa të çmendur të këngëtares së njohur.

Vetëm disa orë më vonë sulmi i rëndë u mor përsipër nga Shteti Islamik dhe kjo ngjarje ka tronditur mbarë opinionin botëror. Në mes të turmës mes shumë fansave ndodhej edhe terroristi 23 vjeçar i cili e kishte mbushur trupin e tij me eksploiziv dhe në pak sekonda u hodh në erë ,ku vrau dhe 22 të tjerë të rinj.  Vetëm pak orë më vonë 23-vjeçari u identifikua nga autoritetet angleze dhe është Salman Abedi, nga Libia.

PROFIL:

23-vjeçari është Salam Abedi dhe ka lindur në Manchester në vitin 1994 dhe është i dyti nga katër fëmijë që ka familja e tij.  Ai është djali i një familje refugjatësh libianë që ikën nga regjimi i Gadafit dhe u vendosën në Angli.  Ai u rrit në zonën e Range Whalley, pranë një shkolle të mesme. Salman Abedi ishte një student në Universitetin Salford dhe sipas miqtëve të shkollës  Abedi ishte një tifoz i mprehtë i Manchester United.

Ishshoku i shkollës Abedi, Leon Hall, tha për “aily Mail” se ai e kishte parë 23-vjeçarin vitin e kaluar dhe tha se kishte rritur një mjekër. Po kështu ai deklaroi se 23-vjeçari kohët e fundit dëgjohej duke kënduar me zë të lartë lutjet islamike në rrugë jashtë shtëpisë së tij. “Ka vetëm një Zot dhe profeti Muhamed është lajmëtari i tij”, shperhet miku i tij se këndonte 23-vjeçari.

Salman Abedi është djalë i Samia Tabbal, 50 vjeç, dhe ka si babai një oficer të sigurisë, Ramadan Abedi. Ai fillimisht jetonte me familjen e tij në Londër, përpara se të shkonte në Fallowfield, Manchester, ku jetoi për 10 vitet e fundit. 

Motra e Abedi, Jomana, e cila duket se ka dy profile në Facebook, thuhet se ka marrë pjesë në shkollën e mesme të Whalley Range para se të punojë në xhaminë e Didsbury në vitin 2013. Në profilin e saj, ajo thotë se ajo është nga Tripoli dhe ka lidhje Libiane. (J.V/Shuplaka)