Mbrëmjen e djeshme nga një atentat në Vlorë mbeti i vrarë Fatjon Sinani, 40 vjeç. Kjo ngjarje e rëndë ndodhi rreth orës 22:50 në lagjen ‘Partizani, shumë pranë spitalit të qytetit. 40 vjeçari u ekzekutua nga një antentat dhe mbeti i vrarë pasi u qëllua me 4 plumba nga dy persona. Ekzektutimi i 40 vjeçarit ndodhi në sy të bashkëshortes së tij në derën e banesës së tyre.
Sipas informacioneve bashkëshortja e viktimës punonte si rrobaqepëse, ndërsa Sinani si punëtor krahu. Po kështu Fatjon Sinani nuk kishte precedentë penalë por sjellim në vëmendje që policia dyshimet i ka hedhur mbi ndonjë konflikt ose ngjarje të kaluar në Tropojë, pasi viktima ishte nga ky qytet me origjinë.
40-vjeçari prej 4 vitesh jetonte me qira në qytetin bregdetar, bashkë me të shoqen. Banorët e zonës e përshkruajnë si një njeri të qetë.
Makina që dyshohet se përdorën vrasësit e Fation Sinanaj u gjet e braktisur nga policia e Vlorës. Kur ende nuk dihet lidhja mes vrasjes dhe shpërthimit të mjetit, policia ka ngritur postblloqe në të gjithë qytetin. (J.V/Shuplaka)
