Ajo është e vetmja vajzë në vendin tonë që ndërton varka me vela sipas teknikave që ka mësuar në shkollë. Kjo nuk është vetëm një punë për të por edhe një pasion që i ka lindur që në fëmijëri.
Genta Ahmeti është shkolluar në Itali për inxhinieri dhe është kthyer në Shqipëri ku ka hapur një punishte ku ndërton në mënyrë artizanale varka me vela, anije peshkimi dhe turistike. Por ajo që vihet re është se çdo varkë që ajo punon është 100 % dru shqiptar. Në duart e saj nuk mungon çekiçi, metri dhe vizorja, e përpiktë dhe është shumë detajiste në punën e saj.
Nëse i ktheheni kohës pas ajo ka qenë shumë e vogël kur babai i saj si inxhinier druri i tregonte rreth varkës, ndërimit të saj dhe lundrimit në det. Që prej fëmijërisë ajo nuk donte asnjë tjetër për gozhdës, çekiçik. Ka qenë vetëm 7 vjeç ku ka bërë punën e saj të parë.
“Kam qenë 6 ose 7 vjeç; kemi qenë duke ndërtuar shtëpinë tonë prej druri. Ndërsa im atë ndërtonte gjithçka vetë, unë e ndihmoja dhe bëja ç’më thoshte. Ngulja një gozhdë, transportoja një dërrasë dhe pas kësaj, jam marrë tërë kohën me mirëmbajtjen e mobilieve të shtëpisë apo krijimit të objekteve të reja. Kjo është kënaqësia ime më e madhe. Fundjavat i kaloja në kërkim të copave të drurit, për të krijuar një gjë të veçantë. Sa herë e arrija këtë gjë, shkoja tek im atë e i thosha: “Shiko çfarë kam bërë!”.”, u shpreh ajo për Living.
Që kur ishte një fëmijë ajo bashke me babain e saj ka ndërtuar edhe shtëpinë e tyre prej druri. “Në fakt, nuk kemi vetëm objektet prej druri, por edhe shtëpinë. Çdo gjë që ka të bëjë me drurin gjendet në shtëpinë tonë. Dhuratat që kam marrë në fëmijëri, nuk kanë qenë kukulla, por çekiç e vegla pune. Për mua ishte maksimumi, nuk është se doja gjëra të tjera.”, ka rrëfyer ajo. (J.V/Shuplaka)
