Dje ishte padyshim një nga mbrëmjet më emocionuese të futbollit shqiptar, kjo pasi një nga legjendat e ekipit, kapiteni Lorik Cana i dha lamtumirën futbollit të luajtur. Dhe zgjodhi ta bënte në një nga ndeshjet më të rëndësishme, atë përballë Italisë.
Po kishte një person që ia vodhi vëmendjen kapitenit të Kombëtares, dhe ai ishte djali i tij, Bojkeni. I vogli shoqëroi të atin në të gjithë këtë mbrëmje të veçnatë të tij, dhe duket se ia vodhi pak vëmendjen.
Kjo pasi Cana ishte kudjesur që në foto të ndryshme që postonte mos ta ekspozonte fytyrën e të birit.
Pak para ceremonisë Cana foli dhe për planet e tij në lidhje me të ardhmen, dhe nëse do të marrë apo jo rol drejtuesi në ndonjë ekip.
Në pritje për të shkelmuar topin e fundit para ndeshjes Shqipëri-Itali ka theksuar se i vjen keq që “tifozët kuq e zi” nuk do të jenë prezent.
“Më vjen keq që “Tifozat Kuq e Zi” nuk do të jenë në stadium, po besoj edhe atyre ju vjen keq. Janë pjesë e pandarë e Kombëtares, pasi kanë themeluar grupin e parë të tifozëve.
Ata përfaqësojnë çdo vlerë, me shqiptarë nga të gjitha trevat. Megjithatë, jemi sqaruar për këtë mungesë. Unë lamtumirën nuk mund ta zgjasja kaq shumë”, – ka thënë Cana për “TVSH”.
“E ardhmja? Nuk është prioriteti im të bëhem trajner. Do shoh të marrë një projekt, për të qenë drejtues në një klub. Djali? Të bëj çfarë ka dëshirë, unë do ta mbështes. Nëse është për të zgjedhur një sport, do t’i thoshja të bëhej tenist”. Loriku mori një ofertë “live” për të qenë në TVSH si analist. “Patjetër, kur të kem ndonjë ftesë, do të vijë”.
(E.K/SHUPLAKA)
Discussion about this post