Është e trishtë të informosh se një tjetër shqiptar u vra ditën e djeshme në rrugët e Italisë. Në një aksident rrugor të frikshëm ku furgoni i mallrave në të cilin ai gjendej u përplas me një ‘’Bmw’’, i riu nga Berati humbi jetën.
Ai është identifikuar së fundi si Francesko Zeqo, 21 vjeç nga qyteti i Beratit. Ka qenë vetë kushërira e tij e cila ka bërë njoftimin pranë ‘’JOQ’’ në mënyrë që kushdo që nuk kishte mësuar për lajmin ta merrte vesh të keqen që kishte ndodhur.
Ai dje ndodhej në furgon dhe është përplasur me ”BMW-në”, që drejtohej nga një 25-vjeçar italian. Ndërkohë që ajo ka treguar se trupi i është nënshkruar ekspertizës dhe se shumë shpejt do të kthehet në Shqipëri.
“Ju lutem jam kushërira e Franceskos që u aksidentua dje në Itali, shpërdajeni lajmin sepse akoma ka njerëz që nuk e kanë marrë vesh lajmin e zi”, ka shkruar ajo. (E.K/SHUPLAKA)
Discussion about this post