Kush ishte Artan Cuku, ish-drejtori i policisë që u ekzekutua sot gjatë kthimit në shtëpi (PROFIL)

Mbrëmjen e sotme, ish-drejtori i policisë së Vlorës Artan Cuku humbi jetën si pasojë e një sulmi me armë zjarri.

Cuku njihet për kontributin e tij në polici, pasi ka mbajtur poste nga më të rëndësishmet në Tiranë dhe në rrethe të tjera të vendit.

Nga viti nga 2012 deri në vitin 2013, ai ka punuar si zëvendës drejtor i policisë së Tiranës apo dhe drejtor i Policisë së Vlorës.

Ndërsa nga viti 2009 deri në vitin 2011, ka qenë nëndrejtor i Policisë për Krimet e Rënda në Tiranë. Jo vetëm kaq por ai ka qenë shef krimesh edhe në Shkodër, edhe në Fier.

Mirëpo në qershor të vitit 2013-të, ai është liruar nga policia me urdhër të Artan Didit, në kohën kur ishte thjesht oficer. Sipas njoftimit zyrtar të asaj kohe, thuhej se arsyeja ishte për shkurtim funksioni organik dhe pamundësi emërimi në një vend tjetër. Mirëpo shumë dyshime mbetën pas këtij arsyetimi të dhënë.

Së bashku me Cukun, nga detyra u liruan edhe një grup tjetër oficerësh të Drejtorisë së Përgjithshme të Policisë.

Pas lajmit për vdekjen e tij, reagoi edhe deputetja e PD-së Liljana Elmazi, e cila e cilësonte si ushtarak me integritet. (D.D/Shuplaka)