Një ndër qytetarët që prej 18 shkurtit iu bashkua protestës së opozitës dhe vijoi të mbështeste kauzën e Partisë Demokratike, ndërroi së fundmi jetë. Lajmi u bë i ditur nga deputetja e PD-së, Mimoza Hajdarmetaj, e cila shprehu ngushëllimet e saj.
Avni Bega ishte një qytetar nga Tepelena, 53 vjeç, i cili kishte përfunduar studimet në Universitetin Bujqësor të Tiranës, që punonte si ekonomist. Bashkëshort dhe baba i dy fëmijëve, një vajze dhe një djali, ai ndërroi jetë në moshën 53-vjeçare si pasojë e një ataku në zemër.
Ngushëllimet për të i ka shprehur edhe ish-kryeministri Sali Berisha, që e cilëson si një “luftëtar të vendosur të lirisë, me besim të palëkundur në kauzën e drejtë dhe fitoren”. “Avniu u nda nga ne në agun e realizimit të ëndrrës së tij fisnike, për të cilën sakrifikoi me vetmohim. Me këtë rast ju shpreh ngushëllimet e mia më të thella familjes dhe të afërmve të Avniut, me të cilët ndaj dhimbjen dhe zinë e kësaj humbje dhe lutem së bashku me ta që shpirti i njeriut tyre të dashur të bëhet dritë!”, shprehet ndër të tjera Berisha.
(XH.A/SHUPLAKA)
[ngg_images source=”galleries” container_ids=”1514″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post