Është ndarë nga jeta në moshën 67-vjeçare këngëtari Françesk Radi. Vetëm pak ditë më parë ai u shtrua me urgjencë në QSUT dhe ndodhej në reanimacion në gjendje shumë të rëndë shëndetësore për shkak të një hemorragjie. Radi ka ndërruar jetë orës 15:30 të ditës së sotme.
Kush ishte Françesk Radi?
Françesk Radi, një këngëtar i njohur, i cili pasi mbaroi Liceun Artistik dhe më pas Akademinë e Arteve Tiranë u spikat për talentin e tij. Për një periudhë të gjatë kohe ka punuar në Estradën e Shtetit me instrumentin e kitarës, por njëkohësisht dhe si kantautor. Në vitin 1992 filloi punë në Radio Tirana si solist, instrumentist, gjatë kësaj kohe ka kompozuar dhe kënduar shumë këngë në festivalet e ndryshme.
Ai u bë shumë i fashmshëm për dy këngë e tij të titulluara: “Adresa” dhe “Biçikleta”. Ishin pikërisht këto dy këngët e tij të para të realizuara në vitet ’70, që bënë që krijimtaria e tij artistike të niste rrugëtimin drejt suksesit muzikor.
Pas viteve ’90, duke sjellë disa krijime për publikun. Përmendim këtu këngët “Rroku i burgut”, “Humba pranverën”, “Telefonatë zemrash”, “Zemër e lodhur”, “Ky fat na ra”, “Kemi dasëm ‘o” etj, të cilat kanë mbetur në kujtesën e publikut. Ai njhet për krijimtarinë e tij muzikore që në vitet ’70, ai vijon dhe sot duke prezantuar këngë të cilat vijnë të realizuara me mjeshtëri dhe muzikë të bukur. (J.V/Shuplaka)
