Klodeta Dibra ishte një nga kandidatet në garën për kreun e Rektoratit të Universitetit të Tiranës. Ajo kandidonte me kundërshtar Mynyr Konen i cili më pas i fitoi zgjdhjet në universitet.
Dibra ka udhëhequr listën e kandidatëve për këshilltarë bashkiakë të Partisë Socialiste në Tiranë, në zgjedhjet lokale të vitit 2015, pra vinte nga të majtët.
Gjatë garës, Mynyr Kone, tashmë rektor i UT, u kërcënua nga një person që ai nuk e identifikoi me emër që të hiqte dorë nga kandidimi.
U aludua se ishte Emiliano Shullazi i cili ishte autori por tashmë Prokuroria e konfirmon zyrtarisht.
“Në Prill 2016, të pandehurit Emiljani Shullazi, Gilmando Dani, Besmir Shullazi, Endrit Qyqja, Endrit Zela akuzohen për disa vepra penale, të kryera në periudhën 2014-2016, akuzohen se kanë kanosur për shkak të detyrës shtetasit Dhori Kule dhe Mynyr Kone, pedagogë dhe drejtues në Universitetin e Tiranës, me qëllim që profesor Kone të largohej nga gara për Rektor në këtë universitet”, -thuhet në njoftimin e Prokurorisë. /Shuplaka/
