“Kush ishte me PD-në dikur, ishte në drejtimin e duhur, Saliu u bë lolo”, Rama ironi me PD, Berishën e Blushin në drekën me fermerët vlonjatë

Kryeministri Edi Rama ka zgjedhur të drekojë sot me fermerët e zonës në Panaja të Vlorës. Në drekën me ta, ku e shoqëron edhe deputetja Valentina Leskaj, ai ka bërë batuta dhe ironi me Partinë Demokratike.

“Që ne kemi bërë punë të madhe e tregone dhe i zoti i shtëpisë. Shiko se unë jam ndryshe nga këta socialistët… kush ishte me PD-në në ’90-ën ishte në drejtimin e duhur, këta janë në drejtim të paditur.”, ironizoi Rama.

Duke u ndalur tek ish-kryeministri Berisha, kreu i Qeverisë tha se “është shumë e rëndësishme të dish momentin kur duhet të ikësh. E shihni si u bë Saliu, lolo. Unë them të kem njerëz që të mos më lenë të bëhem si Saliu.”

Një tjetër moment ishte ai i diskutimit mbi hashashin, për të cilin Rama u shpreh se është shqetësuar edhe Ben Blushi, duke u ndalur në reagimin e këtij të fundit mbi hashashin dhe bletët: “Ishte shqetësuar dhe Ben Blushi për bletët që është dhe njeri i lexuar, ai njeh grenxat.”

(XH.A/SHUPLAKA)