Vetëm dy ditë më parë u publikua lajmi se ministrat teknikë të marrveshjes së 18 majit dhanë dorëheqjet. Por lind pyejta kujt i delegohen kompetencat e tyre?
Pas dorëheqjeve të teknikëve kometencat e tyre iu kalohen zëvendësministrave deri në formimin e qeverisë së re në shtator, pra për rreth një muaj.
Ministria e Brendshme:
Në Ministrinë e Brendshme kompetencat e Dritan Demirajt pritet t’i marr Rovena Voda. Voda u emërua në këtë post në 22 maj të këtij vitit. Më parë ka mbajtur postin e Drejtores së Kabinetit të Ministrit të Shtetit dhe të Ministrit të Brendshëm.
Ministria e Financave:
Në Ministrinë e Financave do ta drejtojë për afro një muaj Erjon Luçi i cili është me profesion ekonomist dhe ka punuar në Bankën e Shqipërisë. Po kështu ka punuar edhe pedagog.
Ministria e Drejtësisë:
Ministrinë së Drejtësisë do ta drejtojë Arben Isaraj, i cili është një emër i njohur në Partinë Socialiste, pasi ka qenë deputet në vitet 2005-2013. Është jurist në profesion dhe ka punuar edhe si pedagog. U emërua zëvendësministër i Drejtësisë në vitin 2013.
Ministria e Shëndetësisë:
Në Ministrinë e Shëndetësisë do të drejtojë Mira Rakacolli. Është mjeke me një karrierë 30 vjeçare ndërsa prej vitit 2014 dekane e Fakultetit të Mjekësisë.
Ministria e Arsimit:
Ministrinë e Arsimit, do ta administrojë Gert Janaqi, edhe ky i emëruar në postin e zëvendësministrit më 22 maj. (J.V/Shuplaka)
Discussion about this post