Kush janë 6 emrat që marrin mandatin e deputetit në KQZ, shkon në 12 numri i ”opozitës së re”

Ditën e hënë KQZ pritet që tu japë mandatin e deputetëve dhe 6 kandidatëve të listave të PD-së dhe të LSI-së, duke e çuar në 12 opozitën e re të Kuvendit, së bashku me Myslim Murrizin dhe Rudina Hajdarin.

Nga listat e PD-së do të marrin mandatin e deputetit:

Lefter Maliqi, i shumëpërfolur për kalimet nga e majta në të djathtë.

Ligoraq Karamelo, i cili ka qenë nga listën e Korçës.

Majlinda Halili, ka qenë në listat për Tiranën.

Ndërkohë që nga LSI-ja do të hyjnë në Kuvend tre zonja:

Elda Hoti, ka qenë kandidate në listat e Lezhës.

Edlira Hyseni, në listat e Durrësit.

Ediola Braho, në listat e qarkut Gjirokastër.

Mbetet ende pezull data e betimit të tyre për shkak se në Kuvend nuk është parashikuar ende seanca e radhës. Nga ana tjetër PD-ja ka parashikuar që të mbajë një protestë masive në datën 16 Mars, de deri atëherë duket se do të mbahet pezull dhe betimi i tyre, për shkak se një e enjte korrespodon me ditën e verës, 14 Marsin.

(E.K/FAXWEB.AL)