Një ndër kritiket më të ashpra të Lulzim Bashës, Jozefina Topalli, mblodhi së fundmi në një kafe rreth vetes disa prej firmëtarëve të grupimit “Basha ik” që kërkoi largimin e Lulzim Bashës.
Mes tyre: Endlira Bushati, Edith Harxhi, Julian Deda, Valbona Mezini, Leonard Olli, Suzana Guxholli, Fabion Topollaj, Edvin Kulluri, Arben Skënderi, Andi Përmeti. Takimi u zhvillua përpara konferencës për shtyp që ajo mbajti për mediat, ku kërkoi largimin e Lulzim Bashës duke e cilësuar si katastrofë të Partisë Demokratike.
Në deklaratën e plotë të tyre katër ditë më parë, duke cilësuar Bashën si shkaktarin kryesor të humbjes së PD-së, ndër të tjera shkruhej: “Basha bëri një fushatë për Listën Basha duke mos reflektuar asnjë nga shqetësimet dhe kauzat kryesore të opozitës si kriminalizimi i parlamentit dhe administratës, droga, koncesionet etj dhe në përputhje të plotë me fushatën e PS. Prandaj, Kryetari i PD Lulzim Basha si përgjegjësi i kësaj humbjeje duhet të japë dorëheqjen për t’i hapur rrugë rinovimit të PD dhe bashkimit sa më të gjerë të saj!”
(XH.A/SHUPLAKA)
Discussion about this post