Nga dy agjentët e FBI-së që kanë mbërritur në Tiranë ‘’Fax News” zbardh detaje të reja.
Emrat e dy agjentëve janë Mark Newhouse dhe Jack Liao. Newhouse ka një përvojë të gjatë në hetimin për pastrimin e parave, ndërsa Liao ka qenë edhe më herët në vendin tonë duke qenë se ai drejton zyrën e FBI-së për Europën Juglindore.
Ata kanë qenë të pranishëm në takimin e bërë sot në Ministrinë e Brendshme, ku ishte edhe ambasadori i SHBA-së në Tiranë, Donald Lu, ajo e BE-së, Romana Vlahutin dhe ministrja e Drejtësisë, Etilda Gjonaj.
Takimi në Ministrinë e Brendshme është bërë për të prezantuar detaje nga operacioni i koduar ‘Forca e Ligjit’. Bëhet fjalë për një përmbledhje të aksioneve të bëra muajt e fundit.
(E.K/FAXWEB)
