Pas vendimit të ministrisë së Jashtme Shqiptare për t’iu bashkuar disa vendeve të BE-së, për dëbimin e diplomatëve ruse, pas rastit të helmimit të ish-spiunit rus në Britani, janë zbuluar edhe dy emrat e diplomatëve të cilët do të lënë Shqipërinë.
Ata janë Vladislav Filipov, atashe ushtarak si dhe Nikolaevich Balashov, sekretar i parë i Ambasadës Ruse në Tiranë.
Vendimin e bëri të ditur Ministria për Evropën dhe Punët e Jashtme, e cila thirri ambasadorin e Federatës Ruse në Republikën e Shqipërisë, Aleksandër Karpushin.
Deklarata e Ministrisë për Evropën dhe Punët e Jashtme
Sot, në datë 26 mars 2018, në Ministrinë për Evropën dhe Punët e Jashtme u thirr Ambasadori i Jashtëzakonshëm dhe Fuqiplotë i Federatës Ruse në Republikën e Shqiperisë, SHTZ Aleksander Karpushin, të cilit i’u komunikua nota verbale për shpalljen si persona të padëshirueshëm të dy diplomatëve rusë, veprimtaria e të cilëve nuk përputhet me statusin e tyre diplomatik.
(M.Q/Faxweb)
Discussion about this post