Ministri i Punëve të Brendshme organizoi sot një takim me ish drejtorët e Përgjithshëm të Policisë së Shtetit ndër vite. Në takim morën pjesë edhe drejtuesë të kohës së komunizmit, ndërsa ra në sy mungesa e dy ish-drejtorëve: Ahmet Prençi dhe Hysni Burgaj.
Edhe nëse kanë qenë të ftuar nga Ministria e Punëve të Brenddshme dhe nuk kanë shkuar me vullnetin e tyre, bie në sy fakti që në postimin e tij në Facebook, ministri Tahiri as nuk i përmend fare. Ai vlerëson dhe falenderon ish-drejtorët për punën e kryer, por nuk thotë asnjë fjalë për Prençin dhe Burgajn.
Për këtë rast nuk kanë munguar reagimet e gazetarëve të kronikës dhe ish oficerë të lartë të Policisë së Shtetit.
Gazetari Flamur Vezaj e quan këtë veprim të ministrit Tahiri “parcelizim” të Policisë së Shtetit. Sipas tij, “bie në sy mospërmendja e dy drejtorëve të përgjithshëm të policisë në kohën e PD-së, Ahmet Prençi dhe Hysni Burgaj si dhe mungesa e tyre edhe në foton e përbashkët”.
Dy ish-drejtuesit e sipërcituar, Ahmet Prençi dhe Hysni Burgaj, kanë qenë pjesë e Policisë së Shtetit gjatë qeverisë Berisha, 2005-2013, por a mund të ketë qenë kjo arsyeja pse ata nuk ishin në takim apo e kanë refuzuar ftesën e ardhur nga Ministria e Brendshme?… (A.R/SHUPLAKA)
JETËSHKRIMET E AHMET PRENÇIT DHE HYSNI BURGAJT:
AHMET PRENÇI
Datëlindja: 25 prill 1968
Vendlindja: Dibër
Arsimi: Universitetin Bujqësor, në Kamzë;
Fakultetin e Drejtësisë; ka fituar licencën e
avokatit
Koha e qëndrimit në detyrë: 30 mars 2007-
28 tetor 2009 (dy vjet e gjysmë e 28 ditë)
Mosha në detyrë: 39 vjeç
39) HYSNI BURGAJ
Vitlindja: 16 prill 1960
Vendlindja: Shkodër
Arsimi: Shkollën e Lartë të Ministrisë së
Punëve të Brendshme, dega “Kufi”
Koha e qëndrimit në detyrë: 28 tetor 2009-2013
Mosha në detyrë: 49 vjeç
