Gazetari i ‘’Fax News” Ermal Vija, e ka përshkruar në kufijtë e shtet-rrethimit situatën e djeshme në qytetin e Lezhës, ku u dha masa e arrestit për 12 zyrtarët e Bashkisë.
10 prej tyre u lanë me masën e arrestit me burg në shtëpi, ndërsa 2 prej të arrestuarve ditën e premte u lanë sërish në burg.
Dy zyrtarët të cilët u lanë në burg janë Denis Haxhia dhe Enkelejd Zefi, të cilët mbanin pozicionin e juristit dhe të topografit.
Kjo sipas gazetarit bëhej për shkak se ata ishin përgjegjësit e drejtpërdrejtë për kontrollin dhe verifikimet e këtyre pronave. Po ashtu gazetari komentoi dhe rastin e zyratres e cila kishte qenë edhe më herët e dënuar për korrupsion.
“Dy personat që janë lënë me masën e sigurisë arrest me burg janë, Denis Haxhia dhe Enkelejd Zefi. Njëri mbante pozicionin e jursistit dhe tjetri mbante pozicionin e hartografit. Ata janë dy personat që kanë pasur përgjegjësi të drejtpërdrejtë, pasi kryejnë verifikimet e para. Prandaj këta dy persona janë lënë nën masën e arrestit me burg.
Gjelina Bacaj mbante postin e përgjegjëses së zyrës së bujqësisë në këtë bashki dhe ishte shkarkuar tre muaj më parë nga ana e kryebashkiakut Fran Frrokaj. Ajo ka qenë e dënuar dhe më herët për korrupsion”, u shpreh Vija.
(E.K/FAXWEB)
