Kryeministri Rama ka reaguar pas takimit sipas tij me miqtë ndërkombëtarë brenda dhe jashtë vendit duke pohuar se ka përmbysur me fakte kështjellën e baltës së eksportuar nga prodhuesit e shpifjeve për godinën e shembur të Teatrit Kombëtar.
Rama shkruan se ka adresuar menjëherë domosdoshmërinë e finalizimit të reformës zgjedhore, me të gjithë gatishmërinë e qeverisë për përmbushjen e rekomandimeve të OSBE/ODHIR.
Nga ana tjetër, deklarata e kryeministrit është aspak transparente, pasi asnjë emër ndërkombëtari nuk ka përmendur, as nga të brendshmit as nga të jashtmit, ndërkohë që një reagim i tillë tregon se nëse ka pasur një komunikim të tillë, nga ana e ndërkombëtarëve të paktën nuk është aspak diplomatike dhe serioze.
Gjithashtu Rama nuk tregon asnjë fakt as argument me të cilin i ka bindur ‘ndërkombëtarët’ për të shikuar përpara dhe se qëndresa pë mbrojtjen e një godine historike ishte gënjeshtër dhe shpifje.
“Biseda të mira sot me miq ndërkombëtarë jashtë vendit, për të përmbysur me fakte kështjellën e baltës së eksportuar nga prodhuesit e shpifjeve për godinën e shembur dhe ngjarjet rrotull saj! Gënjeshtra vrapon më shpejt se e vërteta, po këmbët e shkurtëra e lënë në mes të rrugës?
Biseda të mira edhe me miqtë ndërkombëtarë në Tiranë dhe dakordësi e plotë për të parë përpara të gjitha bashkë, duke adresuar menjëherë domosdoshmërinë e finalizimit të reformës zgjedhore, me të gjithë gatishmërinë tonë për përmbushjen e rekomandimeve të OSBE/ODHIR-it??????”, shkruan Rama në Twitter.
(F.GJ/FAXWEB.AL)
Discussion about this post